Senator @kikopangilinan explanation of verdict on the case vs Chief Justice Renato Corona

“DI DAPAT IKAILA KUNG WALANG TINATAGONG MASAMA”
Senator-Judge Francis “Kiko” Pangilinan’s explanation of verdict on the case vs Chief Justice Renato Corona

Hindi dineklara ni Ginoong Corona ang daang milyong piso at dolyar na account. Hindi niya idineklara taon-taon ang mga milyon- milyong pisong pag-aari ng mga condo units. Ang hindi pagdeklara ng makatotohanang SALN taon-taon sa loob ng halos isang dekada ay dishonesty at isang culpable violation of the Constitution.

Ano po ang ebidensiya? Nariyan ang salaysay ng PS Bank President, ng Ombudsman, at ni Ginoong Corona mismo. P22 Million ang sinabi niya sa SALN niya, ngunit halos P200 milyong cash ang inamin niyang hawak niya. Ito ba ay minor na kakulangan lamang? Dapat bang daang bilyon ang hindi idineklara para maging mabigat ang kaso?

At kung sa malinis na paraan nakuha ang mga ito gaya ng nasabi niya, ano ang masama na ideklara niya lahat dahil wala naman siyang tinatago? Di dapat ikaila kung walang tinatagong masama. Base po sa ebidensiya, maliwanag na nagkaroon ng sistematikong pagtatago ng mga ari-arian, sistematikong pagtatakip sa tunay na halaga ng mga ito.

As a lawyer and an officer of the court, it pains and saddens me to say that clearly the Chief Justice displayed a disturbing pattern of dishonesty, willful concealment, and evasion and a blatant and wanton disregard of the provisions of the Constitution on the SALN.

Sa paglilitis na ito, nakita rin natin ang pagkatao ni Chief Justice. Siya ba ay dapat pa nating pagkatiwalaan? Kung hindi po natin i-convict si Ginoong Corona, anim na taon pa siyang uupo bilang Chief Justice. Kung kaya niyang ipagkait sa mismo niyang kamag-anakan ang kanilang ari-arian sa Basa Guidote gayong daang milyon na pala ang kanyang salapi, siya ba ay dapat pagkatiwalaan sa loob pa ng anim na taon?

Kung kaya niyang ipakita ang kawalan ng respeto sa 23 Senador nung siya ay nagtangkang magwalk-out, na sa aking paniwala ay napigil lamang dahil sa mabilis na kilos ng ating mahal na Senate President, ginawa sa harap mismo ng lahat ng media at buong bansa, paano kaya ang pagtrato niya sa maliliit nating mga kababayan na hindi mga Senador na dumudulog sa kanyang tanggapan para sa katarungan? Siya ba ay mapagkakatiwalaan na rumespeto sa maliliit nating mga kababayan sa loob pa ng anim na taon?

Dapat po siya na ma-convict dahil siya po ay nagkasala. Tulad na lamang ng isang court interpreter sa Davao na sinibak mismo ng Supreme Court dahil hindi nito inilagay sa kanyang SALN ang pag-aari niyang market stall sa palengke.

Tama ba na ang pagsisinungaling ng maliliit ay parusahan habang ang pagsisinungaling ng makapangyarihan ang tungkulan ay i-abswelto?

Sa pagtatapos, si Chief Justice na mismo ang nagsabi sa kanyang talumpati sa harap ng Manila Overseas Press Club noong June 24, 2010 kung ano ang nararapat sa mga huwes na hindi tapat sa tungkulin.

Sabi po niya, “I believe that a member of the judiciary who is found guilty of dishonesty should not only be dismissed from the service; he should also be disbarred—no ifs or buts.

Siya na po ang nagsabi na kapag ang isang huwes ay nagsisinungaling hindi lang ito dapat sibakin sa pwesto—dapat pa itong ma-disbar bilang abogado. Sa kanyang mga labi na mismo nanggaling na nararapat siyang ma-convict at masibak sa pwesto.

Share:

About BlogWatch

BlogWatch began in November 2009 as a group of independent-minded bloggers and social media users helping with voter education. It has since evolved into a nonpartisan group of citizen advocates who engage government and the private sector, online and offline, for social good.

BlogWatch does not solicit, ask for, demand or receive any financial or material remuneration for involvement in its activities, whether in cash or in kind. Read our editorial policy which includes disclosure, methodology and corrections policy.

Share your thoughts on BlogWatch

 

Got something to say? Share your perspectives on current issues and contribute to the conversation.  Just contact the editorial board.

Read our older posts

“Best Story:” Award for Data Journalism PH 2015

BlogWatch received the “Best Story” Award for the First Data Journalism PH 2015 from the Open Knowledge Foundation and Philippine Center for Investigative Journalism “Aid Monitoring: Citizens’ Initial Efforts in the Wake of Typhoon Yolanda” . Forbes Philippines also garnered the same award.

BlogWatch receives the “Best Story” Award for the First Data Journalism PH 2015 from the Open Knowledge Foundation and Philippine Center for Investigative Journalism  for their story on “Aid Monitoring: Citizens’ Initial Efforts in the Wake of Typhoon Yolanda” . Forbes Philippines also received the same award.

Send Us A Message